堅固證券「鬆咗條線」罰70萬

【明報專訊】鬆咗條電話線原來可以好大鑊，堅固證券就喺因為一條內部嘅電話線鬆咗成半年都唔察覺，連唔到去公司嘅電話錄音系統，咁就畀證監會大人重重罰咗70萬。俗語話物似主人形，如果佢條電話線可以好似主人個名咁「堅固」，就唔駛畀人罰啦。


證監會公布，喺2013年5月至2014年1月期間，堅固證券一條內部電話線，因為鬆咗而無連到去公司嘅電話錄音系統，無記錄到嗰條電話線收到嘅客戶交易指示。


證監又話，客戶交易指示嘅電話錄音係中介人其中一項必要嘅審核線索，既可以保障中介人同客戶嘅權益，亦係有效防止或偵測違規情况或者詐騙活動嘅合規監察工具，所以就要譴責堅固證券嘅缺失。


[小琴密語]