領展推傷健人士優先固定車位

【明報專訊】有唔少傷健駕駛人士都會選擇喺領展停車場泊車，領展宣布由即日起，傷健駕駛人士可以優先申請使用固定月租泊車位，咁傷健駕駛人士同佢哋嘅屋企人泊車就更加方便喇。


現時有約600個傷健人士用緊領展嘅月租泊車位，當中大約200人用固定車位，其餘浮動車位嘅用家，將會免費轉做固定位，領展預計未來要增設約350個固定泊位畀傷健人士用。原有提供畀傷健駕駛者嘅四折泊車優惠會繼續保持，Emily聽聞呢個四折節扣優惠每年款額有成1400萬元㗎。


另外，領展用咗2億嘅無障礙設施工程預計年底會全部完成，分別喺各個商場、街市加設觸覺引路帶同警示帶、低枱面顧客服務台、斜道等等8項基本無障礙設施，方便傷健人士。