出年聖誕攞假3日放10日

【明報專訊】香港打工仔日忙夜忙，唔少人都想放假到外地旅行，政府噚日刊憲公布2017年公眾假期，家plan定明年嘅「請假攻略」都係時候啦！有個希望都開心嘅。有打工仔發現最「筍」請假攻略係聖誕假（12月25至26日），如果係5天工作周嘅打工仔，只在聖誕假期後請假3日，即刻有10日長假。


農曆年攞3日放9日

第二着數就係農曆新年假期（1月28至31日），或中秋節暨國慶假期前後（10月3至4、6日）請假3日，亦可以有9日長假，方便去旅遊。


其實，Emily接觸唔少打工仔，佢哋最期望快啲將公眾假期同銀行假睇齊，到時就有大把假可以放。有工會已經將建議畀咗政府，家仲等緊回應。