莊偉忠盼做顧問分享經驗

【明報專訊】最後一次以CEO身分出席一田百貨記者會嘅莊偉忠，噚日就同一班傳媒朋友搞咗個茶聚，對任何問題都有問必答，大家最關心嘅當然係莊生嘅去向啦！莊生話，自己唔係一個懶嘅人，但只會做值得做、同埋自己感興趣嘅事，雖然最後對未來去向都未有定案。


莊生席間放風，話自己好想做顧問。佢話：「我做生意事實上唔錯㗎，加上自己嘅閱歷，已經摸熟咗一套成功嘅管理模式，可以做唔同公司嘅顧問。」家有冇人願意請就未知，但小琴心諗，唔少公司呢兩日應該陸續收到風，嚟緊莊生會收到好多電話㗎喇！


[小琴密語]