謝偉俊換「特首要變」橫額 facebook開天窗

【明報專訊】立法會議員謝偉俊（Paul），早前被發現喺九龍東一帶掛出橫額，寫住「香港須改，特首要變」，但近日阿Paul已換走橫額，有人話係因為受到「西環」施壓。阿Paul噚日就喺facebook「開天窗」，寫明「特首在Banner在，特首變Banner變」。阿Paul話呢兩日比較多朋友開天窗，所以自己都用呢種方式表達不滿。


Emily問阿Paul唔滿意邊個呢？佢話唔滿意有人畀壓力，不過再問佢壓力係咪嚟自西環，阿Paul只係話壓力左中右都有，主要嚟自樁腳同支持者喎。


「編者按：特首不變 Banner不變」

街頭橫額換咗，阿Paul就喺fb開天窗，寫話「特首在Banner在，特首變Banner變」，又加句編者按，話「特首不變，謝偉俊Banner不變」，不過佢唔肯講背後咩意思，話要保留想像空間。橫額畀人封殺，咁會唔會繼續反對梁振英連任呢？阿Paul無正面回應，只係話唔支持好勇鬥狠嘅執政路線喇。