楊岳橋入熱廚房 「煮飯易過政治」

【明報專訊】公民黨立法會議員楊岳橋入咗議會個多月，似乎已經適應咗議會生活，打算向高難度挑戰，加入「熱廚房」。大家唔好諗錯咗，楊岳橋係入「真．廚房」學煮牛扒，而唔係政府嘅「熱廚房」。


楊岳橋獲雜誌邀請，要考吓佢係咪真係可以入得熱廚房，又出得議事堂，所以要岳少去跟大廚學煮牛扒。平日甚少下廚嘅岳少話都幾順利，至少無切親手指，可以無穿無爛。岳少同Emily講，今次有機會重拾煮飯嘅樂趣，覺得煮飯真係比政治容易得多。


岳少切牛扒時有板有眼，唔少女粉絲都留言大讚岳少，話「會煮嘢食嘅男人特別有魅力」，亦有人問岳少係咪做埋肉類分割技術員。


Emily就覺得兼職做肉類分割技術員都唔錯，可以為業界發聲。