「支持香港是中國不可分割一部份」 新同盟黨章遭前黨員翻舊帳

【明報專訊】新民主同盟范國威最近喺facebook出帖，講明「如有民主何來港獨」，被支持港獨嘅本土派批評。新民主同盟前黨員、沙田社區網絡主席劉頴匡噚日更喺facebook公開咗新同盟2015年版本嘅黨章，話要等大家認識吓號稱本土政黨嘅宗旨。根據劉公布嘅新同盟黨章，第一條寫明「支持香港是中國不可分割的一部份」。本土派支持者質疑新同盟咁寫黨章，反映新同盟唔係本土，而係民主回歸派。


范國威同Emily講，黨章字眼係有微調過，未知劉手上嗰份係咪最新。范國威強調，已經將「港人優先」嘅原則提升到政綱嘅層次，反映十分重視本土；又話新同盟黨章唔係新鮮事，之前有網上媒體都有報道過。