顏汶羽話彩福邨「不明不白」

【明報專訊】青年民建聯主席顏汶羽噚日以「不明不白」為題喺facebook撰文，身兼觀塘區區議員嘅佢話，入伙6年幾嘅彩福邨，因為屋苑本身嘅設計問題，清潔公司又管理不善，令到佢哋嘅衛生問題一直都「不明不白」，但有管理屋苑嘅新主管嚟到，就即刻搞番掂，先令到彩福邨「重見天日」。


顏汶羽話畀Emily知，彩福邨本身係居屋設計，後來用公屋形式分租，一層有成24戶，但個垃圾房就好鬼細，平日都唔夠地方放垃圾，加上以前管理公司連人都請唔夠，根本處理唔到咁多，令衛生情况「好唔掂」，6年嚟已經有唔少居民投訴。好彩清潔公司請咗個新主管，而且佢好有經驗，同對方解釋咗個問題後，呢幾日即刻見到清潔工人第一次用水喉洗樓層走廊（圖），所以搞到佢都忍唔住喺facebook分享，仲好開心咁話﹕「今後，我要彩福邨重見天日，而非不明不白！」