新聞類別
財經
詳情#
【明報專訊】樂視原定今個月25號嘅北京車展公布佢哋超級汽車品牌LeSEE嘅第一款車，但距離車展仲有一個星期，公司噚日卻已迫不及待咁召開新車展示會。不過公司就話"口依"家展示嘅只係概念車，唔係最終投入量產嘅設計。
據網上流出嘅新車展示會圖片，呢架雪白嘅電動車外形好似跑車咁，與Tesla嘅Model S有幾分神似，同埋都可通過樂視手機操控並且自動駕駛"口添"！仲有神奇嘅，就係架車車頭嘅LED呼吸燈，可根據駕駛模式同埋駕駛員的心情而改變顏色。
雖然樂視將架車吹捧到好智能，但最終都係要睇番架車嘅性能。樂視暫時未有公布新車嘅具體參數細節，但外傳佢最高時速可以達到近每小時211公里。雖然睇落去架電動車好有「未來感」，但唔知會唔會「電到用時方恨少」，再加埋內地"口依"家減緊電動車補貼，唔知呢架跑車嘅售價係咩都要班車友儲錢儲到遙遠的「未來」先供得起呢？
[小琴密語]
留言 (0)
