調查：七成人用電腦睇網上自選節目

【明報專訊】相比Emily細個嗰陣只係睇電視，家多咗選擇，可以喺網上收睇節目。全球資訊和監測公司尼爾森調查公司噚日發布調查結果，69%本港觀眾會用電腦收睇網上自選節目，67%用手機睇，而47%、即係差唔多一半本港受訪者表示，每日至少睇1次自選節目。不過調查同時顯示，34%本港受訪者係通過傳統收費電視供應商，畀錢睇自選節目，僅11%受訪者係通過網上服務供應商嘅付費服務睇自選節目。


尼爾森香港及澳門區董事總經理楊慧旋話，今時今日有咁多種媒體，喺咁大競爭下，有兩樣嘢比以前更需要重視，第一係內容永遠最重要，第二係消費者對睇節目嘅自主性同個人化要求會更高。佢亦覺得家上網睇節目愈嚟愈受歡迎，會令電視台同收費電視服務供應商受壓，但網上同傳統服務應該係互相補足。