郭思治李小龍系屬同門

【明報專訊】「大隻佬」耀才證券（1428）執行董事及高級市務總裁郭思治，玩健身早為人所知，佢最近為追回「那些年」嘅熱情，每星期練番兩次詠春，師從葉問徒弟陳衛匡。因此佢除咗同跟葉問之子葉準習詠春嘅第一信用金融（8215）主席冼國林，其實變相係同門師兄弟之外，佢更加與李小龍系屬同門。最近佢為咗練番詠春，自然練樁練到傷晒同瘀晒，搞到中間停咗4個星期。郭思治師從陳衛匡，原來早於佢20幾年前頭髮仍是長毛飛之時，佢當時更同師父一同參拜葉問宗師。睇番啲相，個feel真係幾「那些年」。


曾與師父參拜葉問宗師

講開又講，郭Sir原來入經紀行幾十年，但原來佢無點放過假。點知睇住個女一日一日大，佢話囡囡只需減少少baby fat，已經可以參加港姐咁話，之不過，佢做埋保護證人組，暫時收埋，等第日再講喎！


email: piano@mingpao.com

[小琴密語]