利福選董事 細劉妹突現反對票

【明報專訊】利福國際（1212）同利福地產（2038）噚日股東周年大會，其中「細劉仔」劉今晨同「細劉女」劉今蟾就分別會選利福地產及利福董事。細劉話佢兩個「well-qualified（夠晒資格）」，相信應該可以通過，唔太擔心。睇番結果，果然佢兩個都輕鬆過關，反而係大細劉個妹劉玉慧，失驚無神竟有成15%股東反對佢連任做董事，要擔心嘅原來另有其人。


老實講，細劉分別揸住利福地產74.53%股份，同埋利福國際51.69%股份，都好難唔通過。不出所料，「細劉仔」最後100%全數通過；「細劉女」差少少，但都有95.8%贊成通過。不過小琴留意到，竟然有2.45億票反對大細劉個妹劉玉慧做董事，佔咗利福國際足足15%股權㗎，究竟係咩人敢反對？翻查資料，細劉已經揸住47%股權；卡塔爾投資局就揸23%，佢哋都唔似會反對，即係計計埋埋有成一半公眾股東唔like劉玉慧？認真離奇。


email: piano@mingpao.com

[小琴密語]