潮濕奇景﹕電車生菇

【明報專訊】近日天氣潮濕，除咗令人大為悶熱，估唔到電車也會「生菇」。網上噚日瘋傳一張話喺電車影嘅照片，發現車窗邊生咗兩粒淺棕色並有暗花紋嘅菇。影相者仲話，「電車雙菇」係來自62號電車咁講。有網民大呼「好可愛！」更有網民打趣話係電車「悶到生菇！」


電車公司發言人話，「電車雙菇」已經喺早上出車前被職員發現及清除，「電車雙菇」體積好細，同5毫硬幣相若。發言人話，每日出車前，職員會檢查車輛，相信「電車雙菇」應於一天內長出，而由於職員擔心該部電車過於潮濕，影響行車，所以該車留喺廠內觀察。


發言人又話，知道近日天氣濕度較高，所以都會加強電車嘅保養工作，尤其係確保車輛去水位運作正常。