超人贊助 奇點大學登陸港大

【明報專訊】長和（0001）主席、「超人」李嘉誠近年好注重教育，旗下李嘉誠基金會亦不時舉辦科技講座畀香港學生聽。最近基金會就贊助國際知名嘅奇點大學（Singularity University）喺香港大學舉辦課程，由噚日起為期兩日，李嘉誠基金會執行董事、李嘉誠私人投資公司維港投資負責人周凱旋表示，今次舉辦活動目的係「Expand your mind」（擴闊你的眼界），旨在資助香港學生免費上一啲有質素嘅課程。


奇點大學係由Google、美國太空總署（NASA）同科技界專家聯合創辦嘅新型大學，一聽啲創辦成員就知係猛料。今次喺香港講解嘅課題就包括人工智能、電子生化等，全部都站喺世界科技尖端。據了解，奇點大學學費認真唔嘢少，但維港投資一直都有贊助同事同本港學生去奇點大學上堂，希望多啲香港人學習尖端科技。


[小琴密語]