反駁教聯會「天文台作風官僚」論 林超英：不如每朝公投應否上班上課

【明報專訊】前日一道低壓槽為香港帶來大雨同雷暴，部分地區每小時降雨量超過50毫米，仲有唔少地方水浸，當時正值返工返學繁忙時間，唔少人紛紛質疑天文台點解唔發出紅色暴雨警告，教育工作者聯會仲發聲明批評天文台，譴責天文台作風官僚。天文台前台長林超英就反駁教聯會，話不如每日搞公投，由市民決定應唔應該返工返學。


林超英噚日係facebook強調天文台預測正確，黃色警告十分貼合雨勢，話教聯會竟然「憑感覺認為天文台官僚？我們的教育界是不是病了？」仲話「不如每天早上6時大家在家裏按掣，全港公投決定是否應該上班和上課」。


天文台之前已經回應咗，話研究喺年內推出新功能，透過手機同網頁通知公眾邊個地區落大雨。