新聞類別
財經
詳情#
【明報專訊】中國天然氣（0931）老闆簡志堅（Billy，圖）靜咗一排，最近又有新搞作，公司噚日主動出公告，原來佢無償將自己3000萬股股份捐咗畀教會，市值相當於870萬，認真感謝神。以後啲沽空機構如果要狙擊中國天然氣，會唔會畀畀面耶穌落手輕啲？
中國天然氣話，Billy今次係將股票捐咗畀中華基督教會合一堂，呢個總堂喺正中環般含道嘅基督教教會，原來本身都相當富有吓，小琴搵過資料，原來2006年中國人壽（2628）喺A股上市，招股書披露十大股東時，就曾經出現過中華基督教會合一堂呢個名，當時教會手持住130萬股，市值接近2473萬元，不過教會應該唔會炒賣股票，而呢10年嚟中人壽股價又唔生性，假設持有到家，市值都係升咗18萬左右，通脹都輸埋。
話說回頭，Billy捐股畀教會固然善心，不過今時今日細價股郁啲就停牌，郁啲就洗倉，對於教會嚟講，捐現金可能會實際啲。
[小琴密語]
中國天然氣話，Billy今次係將股票捐咗畀中華基督教會合一堂，呢個總堂喺正中環般含道嘅基督教教會，原來本身都相當富有吓，小琴搵過資料，原來2006年中國人壽（2628）喺A股上市，招股書披露十大股東時，就曾經出現過中華基督教會合一堂呢個名，當時教會手持住130萬股，市值接近2473萬元，不過教會應該唔會炒賣股票，而呢10年嚟中人壽股價又唔生性，假設持有到家，市值都係升咗18萬左右，通脹都輸埋。
話說回頭，Billy捐股畀教會固然善心，不過今時今日細價股郁啲就停牌，郁啲就洗倉，對於教會嚟講，捐現金可能會實際啲。
[小琴密語]
留言 (0)
