食衛局誤寫寨卡成塞卡

【明報專訊】蚊媒可以傳播病毒，喺巴西等地肆虐疑致孕婦產下小頭BB嘅寨卡病毒，就係由埃及伊蚊傳播。食物及衛生局向立法會食物及安全環境衛生事務委會，提交咗一份關於食環署今年滅蚊運動嘅文件。Emily一眼便瞄到文件多次出現「塞卡」、「塞卡」，真係幾乎笑咗出聲，唔知仲以為文件講緊「塞車」，相信多數都係負責文書嘅人打錯字而無人發現。


Emily噚日通知食衛局新聞組時，原來佢哋早已知出錯，之後佢哋回覆話，食衛局就有關文件出現錯字一事，已透過立法會秘書處向食物安全及環境衛生事務委員會表示歉意，並作出相關更正。文件又指出，雖然香港無發現埃及伊蚊， 但本地有嘅白紋伊蚊也被視為傳播寨卡病毒嘅潛在病媒，因此有關當局要保持警覺，有效滅蚊。