幼園一封通告激嬲家長

【明報專訊】網傳一張迦南幼稚園嘅通告，邀請幼兒班家長撰寫一篇約700字嘅心聲，分享教導子女心得。通告引來很大反響，有家長認為學校強迫家長「交功課」唔合理，亦有家長認為活動係自願參與，毋須咁大反應。Emily噚日向迦南九龍塘正校查詢，對方就話就呢件事唔回應。


通告建議家長用「新細明體」、12號字，以Word檔案交畀班主任，有網民發揮創意，建議家長交100次「我不做功課奴隸」充字數。


要求寫心聲 被指逼做功課

香港幼稚園協會會長唐少勳話網上言論「小題大做」，過分解讀學校意思，佢話家幼稚園都強調家校合作，邀請家長寫吓心聲其實好常見。