沈旭暉4月1日宣布選特首

【明報專訊】噚日係愚人節，Emily喺網上見到facebook上突現參選潮，國際關係學者沈旭暉宣布要參選特首，又有call車app宣布參選功能組別。更有「政治素人」話有意考慮參選立法會新東選舉，仲叫有意成為助選團嘅人聯絡佢。


沈旭暉噚日早上喺facebook「正式宣布」參選下屆特首選舉，唔夠40歲嘅佢仲要求人大釋法將參選特首年齡降至40歲以下，不過最後加上「2016年4月1日」。有人tag咗現任特首梁振英問佢點睇喎，Emily留名等睇CY回應先。


電召app「選功能組別」

另外，關心香港時事、間中出嚟「抽水」嘅客貨車電召app平台「CALL4VAN」，噚日亦喺專頁發帖，話要參選立法會航運交通界功能組別。網民都半信半疑，更有人建議「CALL4VAN」改為參選「方丈界」。另外仲有「參選人」好認真咁喺網上招募競選團隊