湯文亮﹕兩位李生睇淡樓市 為銷售開路

【明報專訊】有對樓市不大了解的老友問我，現在樓市發生什麼事，地產商竟然倒自己米，兩位李先生分別發出睇淡樓市信息，而他們又將會有大量新樓開售，他們的言論令人百思不得其解，我話唔需要百思，稍為想一想就知道兩位李生為新樓盤銷售開路，現在一般人很難借錢買樓，而銀行又有大量現金，從最近銀行以低息就可以聯想到，根本很少人借錢或者很少合資格的人借錢買樓，理由是受制於金管局的逆周期措施，而金管局亦希望可以放寬，但大前提是確認樓價下跌，但很可惜，負責制定樓價指數的人有學者風範，而且又得到老闆支持，一直唔肯確認樓市下跌，所以金管局就不可能不遵守自己承諾，在樓市未被確認下跌時已經放寬逆周期措施，沒有銀行可以借錢買樓，新樓銷售可想而知。


下跌未被確認 逆周期措施不能放寬

今次兩位李生兵行險着，地產商話樓市下跌，講都冇人信，當金管局放寬逆周期措施之後，銀行可以對外放貸多一些，那些打算買樓年輕人可以借到錢，就會心郁郁，見到二手樓與新樓同價，唔需要人教都一定買新樓，最終，說樓市下跌竟然可以達到促銷效果，就算樓價最後真的是下跌，甚至大跌，買家都不能夠怪兩位李生，因為他們早已提出警告。


發出警告 進可攻退可守

文章雖然係由我寫，但我自己都唔相信，因為實在太天馬行空，如果真的是如我所說，兩位李生的智慧，真的是高深莫測。不過，如果唔係如我所說，兩位李生的確宅心仁厚，情願自己有損失，都要向市民提出警告，實在令人佩服。


紀惠集團行政總裁

[湯文亮 敢說亮話]