夢熊服刑 《矛盾》換人 周庭將與年長建制男遊日 料矛盾更多

【明報專訊】有「學民女神」之稱嘅學民思潮前成員周庭（圖），早前獲邀拍攝ViuTV嘅綜藝節目《跟著矛盾去旅行》，伙拍全國政協前委員劉夢熊一同到日本旅遊，不過夢熊因官司問題正在服刑，節目唯有換人。周庭噚日喺DBC數碼電台節目透露，電視台已經物色新人選參與節目。


不過，周庭未有透露新拍檔身分，但就指係一名傳統建制派男士，對方年齡大過佢好多，周庭話當初節目組希望突出夢熊「愛國」與佢「哈日」嘅矛盾。不過，當最近佢聽到新人選嘅名字時，佢認為自己同新人選嘅矛盾會較夢熊更多，因為夢熊雖然愛國，但政治想法較開明，而新人選係傳統建制派，相信觀眾十分期待節目會擦出咩火花。