新聞類別
財經
詳情#
【明報專訊】京城兩會閉幕，若要點出一個最值得香港人關心的信息，必然是阿爺全力大吹和風。筆者上周點出阿爺全力讓香港降溫，過去一星期，更多例子指向北風轉「和」。至於香港的梁特，日前亦賣口乖，說要諮詢立法會議員，調動會議議程，無非是要配合和風起舞。
過去自以為威風八面的梁特，今日突然要改戲路，可惜搞爛gag無人笑，扮暖男又換來萬個「嬲嬲」，香港觀眾看在眼裏，只覺心涼。
阿爺在兩會期間發放信息降溫，自從上星期港澳辦主任王光亞以「出了點事」形容旺角騷亂，副主任馮巍向西報表示，今後要用香港人「聽得明白、能接受和熟悉的語言」表達阿爺嘅想法，又承認他們需要改善，之後另一位副主任周波又話，將來有激進青年進入立法會「也是正常」。
全力配合北京 和諧大合唱
三位主理港澳事務的官僚一齊放軟口徑，除咗收到order，真係諗唔到有其他解釋。 阿爺點解會選擇現在轉向，留番畀劉兆佳、蔡子強等高人分析，但從現實角度，本地建制圈子一班一向見風使舵嘅擦鞋仔，好自然就會跟埋一份，全力配合嚟個和諧大合唱。梁特呢？一心想連任嘅佢又點會執輸？唔計佢日前講嘅諸葛亮講英文爛gag，梁特日前就喺facebook上載幾條同小學生傾偈嘅短片，回復佢競選時嘅面口賣溫情，梁粉集中營「港人講地」立即幫手宣傳，叫佢做「暖男特首」。
突變暖男 憶起成奎安
坦白講，4年多前梁特跟香港人來這一套，唔少香港人包括筆者自己都頗為受落，尤其是有唐英年在旁比較，令佢嘅形象更加突出。
但4年後今日，梁特再來同一套，香港人又點會再全盤接收？筆者看在眼內，突然想起當年「第一惡人」成奎安最擅長嘅一類角色：蝦蝦霸霸一輪突然發現蝦錯人，立即笑笑口扮好人，每次睇到成奎安個樣，筆者不單只想笑，仲想立即伸手打佢一巴。
不自殺契約 無情無腦無承擔
而梁班子把教育弄得一塌糊塗，令各階層家長更為氣憤，近期學生自殺個案不斷出現，但教育局竟可推出「不自殺契約」，堪稱三無典範：無情、無腦、無承擔；人工智能近日取得突破發展，AlphaGo戰勝韓國九段棋手，引起全球爭議，有站在「人類」那一邊的論述指，AI勝了又如何，人類勝在有感情；然而，面對吳克儉這類庸官，筆者寧願AlphaGO做局長，因「他」更會解決問題，反正真的那位，不見得有何感情可言。
[應正亮 廿四味]
過去自以為威風八面的梁特，今日突然要改戲路，可惜搞爛gag無人笑，扮暖男又換來萬個「嬲嬲」，香港觀眾看在眼裏，只覺心涼。
阿爺在兩會期間發放信息降溫，自從上星期港澳辦主任王光亞以「出了點事」形容旺角騷亂，副主任馮巍向西報表示，今後要用香港人「聽得明白、能接受和熟悉的語言」表達阿爺嘅想法，又承認他們需要改善，之後另一位副主任周波又話，將來有激進青年進入立法會「也是正常」。
全力配合北京 和諧大合唱
三位主理港澳事務的官僚一齊放軟口徑，除咗收到order，真係諗唔到有其他解釋。 阿爺點解會選擇現在轉向，留番畀劉兆佳、蔡子強等高人分析，但從現實角度，本地建制圈子一班一向見風使舵嘅擦鞋仔，好自然就會跟埋一份，全力配合嚟個和諧大合唱。梁特呢？一心想連任嘅佢又點會執輸？唔計佢日前講嘅諸葛亮講英文爛gag，梁特日前就喺facebook上載幾條同小學生傾偈嘅短片，回復佢競選時嘅面口賣溫情，梁粉集中營「港人講地」立即幫手宣傳，叫佢做「暖男特首」。
突變暖男 憶起成奎安
坦白講，4年多前梁特跟香港人來這一套，唔少香港人包括筆者自己都頗為受落，尤其是有唐英年在旁比較，令佢嘅形象更加突出。
但4年後今日，梁特再來同一套，香港人又點會再全盤接收？筆者看在眼內，突然想起當年「第一惡人」成奎安最擅長嘅一類角色：蝦蝦霸霸一輪突然發現蝦錯人，立即笑笑口扮好人，每次睇到成奎安個樣，筆者不單只想笑，仲想立即伸手打佢一巴。
不自殺契約 無情無腦無承擔
而梁班子把教育弄得一塌糊塗，令各階層家長更為氣憤，近期學生自殺個案不斷出現，但教育局竟可推出「不自殺契約」，堪稱三無典範：無情、無腦、無承擔；人工智能近日取得突破發展，AlphaGo戰勝韓國九段棋手，引起全球爭議，有站在「人類」那一邊的論述指，AI勝了又如何，人類勝在有感情；然而，面對吳克儉這類庸官，筆者寧願AlphaGO做局長，因「他」更會解決問題，反正真的那位，不見得有何感情可言。
[應正亮 廿四味]
留言 (0)
