3空勤工會搞總工會 關注立選

【明報專訊】早前維珍航空員工「野貓式」罷工，Emily留意到協助佢地嘅係香港空勤人員總工會，總幹事吳敏兒就係英航香港機艙服務員工會嘅主席。原來，本地3間空中服務員工會，包括英航工會、國泰航空公司空中服務員工會及港龍航空公司空勤人員協會，上月正式一同創立咗「香港空勤人員總工會」，6月會正式選出理事會。未來除咗繼續協助一眾空服員爭取權益，仲會關注嚟緊嘅立法會選舉，同埋全民退保等社會議題。


吳敏兒同Emily講，總工會理事由3間空服員工會代表組成，未來想為所屬公司未有工會嘅本地航空業界發聲，協助佢哋成立工會。國泰航空公司空中服務員工會主席黎玉嬋就話，未來除咗勞工議題，亦會關注社會議題，如立法會選舉中候選人對勞工議題嘅立場等。


國泰工會話目前有7700名會員，較去年增加約1000人，協會理事上月換屆亦增添唔少生力軍，包括有「90後」吳綺雯加入做理事。