湯文亮﹕穆迪太遲降香港評級

【明報專訊】有記者問CY同林鄭，對於穆迪降低香港評級有何意見？兩個人都沒有回答，對於CY不回答，大家都唔會有意見，費事佢講多錯多；至於林鄭，可能做官做到失去信心，都是選擇不回答，大家有小小意料之外。不過，如果有記者問我，我就會反客為主，話穆迪太遲降香港評級，最低限度一年之前就應該降，現在可以話是收成期，現在講不但太遲，而且講得咁肯定，話樓價會跌四成、五成，咁樣講就浪費了金管局陳德霖一番心機，推出了7次逆周期措施都是想保住香港樓價，如果唔係，樓價最低限度比最高峰時高三成。今次穆迪降香港評級，樓市就會即時轉勢，下跌四五成就真的有可能，穆迪點解唔調查清楚。


遲了一年 害死去年上車客

做生意的人，在去年第一季就知道經濟環境轉弱，大家都持盈保泰，減少投資，希望可以捱過今次寒冬，穆迪又點會唔知？不過，如果當時穆迪降香港評級，大家就會聯想到與佔中有關，而事實上又的確有關，所以，為了政治任務，穆迪將香港評級下降的時間推遲一年，這個政治任務，害死了去年不顧一切上車的人。


原來很多人不明白樓市

大家對穆迪降低香港評級過度演繹，香港評級在次高位置已經很多年，亦無法再上一級，最高級是美國，但幾年前亦被穆迪評為負面。不過，負面並不是真的降級，或者可以說只是有機會降級，在過去很多年，穆迪評香港為穩定，因為上又不能，跌又冇份，今次評為負面，其實是警惕香港政府同香港人，雖然遲了一年，但遲到好過冇到，令香港人明白，幸福並不是必然，令那些睇數據的評論員明白，數據其實是滯後，評論是要前瞻性，令那些在去年質疑樓市唔會爆煲的人明白，原來，他們是不明白樓市。


紀惠集團行政總裁

[湯文亮 敢說亮話]