新聞類別
財經
詳情#
【明報專訊】習大大上場後中國政治風向都唔同咗，今年兩會關於中港股市嘅話題唔少，但願意同香港記者講嘅官員唔多。好似去年甚受港媒歡迎嘅上交所理事長桂敏傑，今年就唔多樂意交流，噚日佢一聽到「註冊制」三個字就面色大變，仲忍唔住用手捉住記者手上咪高峰，驚死畀人錄音咁，只爭在無推開鏡頭。
之所以咁緊張，或者同佢兩會開初與記者鬧出事故有關。有內媒報道，桂敏傑回應註冊制準備情况及會否放緩時，表示準備很好很順利，仲反問「誰說推遲了？」
但當日稍後時間，佢就澄清從未對註冊制問題有任何回應。究竟真係一場誤會定另有隱情不得而知，但肯定係响聽日中證監記者會之前，桂敏傑都唔會肯再講啲乜。
兩會多人十問九唔應
其實兩會對港媒封咀嘅又豈止桂敏傑一個，例如清華大學經濟管理學院長錢穎一，行家只係問佢點睇CPI，佢就擰返轉頭跑返入會議廳；問北京銀行董事長閆冰竹點睇銀行壞帳，同樣十問九唔應。
[小琴密語]
之所以咁緊張，或者同佢兩會開初與記者鬧出事故有關。有內媒報道，桂敏傑回應註冊制準備情况及會否放緩時，表示準備很好很順利，仲反問「誰說推遲了？」
但當日稍後時間，佢就澄清從未對註冊制問題有任何回應。究竟真係一場誤會定另有隱情不得而知，但肯定係响聽日中證監記者會之前，桂敏傑都唔會肯再講啲乜。
兩會多人十問九唔應
其實兩會對港媒封咀嘅又豈止桂敏傑一個，例如清華大學經濟管理學院長錢穎一，行家只係問佢點睇CPI，佢就擰返轉頭跑返入會議廳；問北京銀行董事長閆冰竹點睇銀行壞帳，同樣十問九唔應。
[小琴密語]
留言 (0)
