新聞類別
財經
詳情#
【明報專訊】家庭以外，女性喺各行各業都開始擔任日益重要嘅角色。好似德勤就喺嚿年創立專為女性合伙人而設嘅Women-to-Win Circle（W2W Circle），為一班日日OT、一日同唔到人講十句說話嘅女會計師們設立平台，加強同事們溝通機會，有起事上嚟都可以互相支持。聽落都唔錯，小琴都好有興趣。
唔講唔知，原來德勤喺華南區，有超過六成員工喺女性，而合伙人級別以上有三分之一喺女性㖭，審計合伙人胡景華（Shirley）話，唔同部門會計師工作忙，無咩時間交流，所以就想設立一個平台。聽吓聽吓，感覺同港交所（0388）女性員工發起組織女菁匯性質有啲相近。
華南區逾六成為女員工
W2W Circle創辦、德勤中國華南區主管合伙人黎嘉恩仲話畀小琴知，家呢個平台已有超過60個成員，通過呢個平台，女性合伙人之間嘅溝通多咗，甚至可以互相介紹客戶，幫公司帶嚟更多業務，咁真喺幾好喎。
就連特許金融分析師（CFA）協會總裁兼首席執行官施博文都話，家愈嚟愈多女性投考CFA考試，CFA過去都舉辦過以女性投資管理為主題嘅會議；仲承諾喺未來3年內，女性將會佔CFA成員比率不少於三成。
貝萊德都做咗份投資傾向調查，結果顯示，香港超過一成女性受訪者得儲錢而完全無投資，大概六成女性受訪者認為投資喺一種賭博，差唔多一半嘅女性受訪者嘅投資組合喺現金。儲錢做乜？報告又提到，原來接近四成女性受訪者喺為供養父母而儲，並唔喺自己拎去shopping，果然百行以孝為先，小琴都覺得好感動。
email: piano@mingpao.com
[小琴密語]
唔講唔知，原來德勤喺華南區，有超過六成員工喺女性，而合伙人級別以上有三分之一喺女性㖭，審計合伙人胡景華（Shirley）話，唔同部門會計師工作忙，無咩時間交流，所以就想設立一個平台。聽吓聽吓，感覺同港交所（0388）女性員工發起組織女菁匯性質有啲相近。
華南區逾六成為女員工
W2W Circle創辦、德勤中國華南區主管合伙人黎嘉恩仲話畀小琴知，家呢個平台已有超過60個成員，通過呢個平台，女性合伙人之間嘅溝通多咗，甚至可以互相介紹客戶，幫公司帶嚟更多業務，咁真喺幾好喎。
就連特許金融分析師（CFA）協會總裁兼首席執行官施博文都話，家愈嚟愈多女性投考CFA考試，CFA過去都舉辦過以女性投資管理為主題嘅會議；仲承諾喺未來3年內，女性將會佔CFA成員比率不少於三成。
貝萊德都做咗份投資傾向調查，結果顯示，香港超過一成女性受訪者得儲錢而完全無投資，大概六成女性受訪者認為投資喺一種賭博，差唔多一半嘅女性受訪者嘅投資組合喺現金。儲錢做乜？報告又提到，原來接近四成女性受訪者喺為供養父母而儲，並唔喺自己拎去shopping，果然百行以孝為先，小琴都覺得好感動。
email: piano@mingpao.com
[小琴密語]
留言 (0)
