新聞類別
財經
詳情#
【明報專訊】星期二瀋陽市政府出咗份《瀋陽市人民政府辦公廳關於促進房地產市場健康發展的實施意見（試行）》嘅文件，鼓勵後生仔「上車」，其中畢業5年內嘅高校、中等職業學校畢業生喺瀋陽買商品房，可獲豁免首期。正當全國都「葡萄」瀋陽人之際，當晚政府又收番政策，令大家空歡喜一場。
市政府：僅論證階段 未出台
近排內地政府積極為房地產去庫存，星期二下午4點左右，瀋陽就宣布咗上述政策，吸引微博的用戶瘋狂轉載。點知當晚10點半左右，中共瀋陽市委宣傳部的官方微博就發布，「瀋陽市政府有關部門」表示優惠新畢業生買樓嘅政策，「還處於前期調研論證階段，暫不具備出台條件」，實例示範「朝令夕改」呢個成語點解，今次相差更不過七個鐘，完全反映內地政府做事「乾脆利落」。
不過，瀋陽畢業生唔應該為此失落，因為至少佢哋無損失，尤其係同只有7日壽命嘅「熔斷機制」相比。
[小琴密語]
留言 (0)
