細劉兩子女獲委執董

【明報專訊】「大劉之子」劉鳴煒今年初因為參與一個電視節目而「一炮而紅」，被譽為城中「筍盤」，但其實佢兩個堂細佬堂細妹都唔錯，講緊係「細劉」劉鑾鴻嘅一對仔女劉今晨同劉今蟾（圖），佢兩個噚日分別被委任做利福地產（2038）同利福（1212）執董，尤其細劉呢位千金，個樣好清純吓㗎。


劉鑾雄兄弟縱橫股壇數十年，不過「大劉」劉鑾雄早就開始提拔劉鳴煒，而細劉一對仔女年紀相對較細，所以近年先至開始加入公司，好似今年28歲嘅大女劉今蟾咁，舊年先加入利福幫手，不過可能見到佢哋都開始適應，正式要佢哋入董事局學嘢接班。


過去細劉一向好少畀家人曝光，就算噚日利福業績會都無現身，不過，劉今蟾因為開始同父母一齊出席公眾場合，記者都見過佢真人，唔止生得清純，談吐仲好得體，各位單身男士留意啦！