周顯﹕欠債遠超殼價 遲早出事

【明報專訊】星期二，中國天化工（0362）大跌了52%，其實，早在半年前，已經有人同我講過這公司的問題了。問題其實很簡單，如果一間公司的欠債遠遠高過其殼價，是為資不抵債，這公司便很難不出事的。


當時我問：「點解咁多人肯借錢給這間公司呢？」

那高人答得很輕鬆：「唓，畀高啲息，再畀高啲佣咪得囉！」

老闆「種債」幾多都無問題

有讀者可能會問：「有很多上市公司都欠人好多錢啦，又唔係好見佢哋執笠，或股價大跌？」答案是：這要看它們是外債，還是內債，中國天化工的是外債，但好多上市公司債的是老闆自己借給公司的「種債」，咁又係另一回事，欠幾多都無所謂啦，最多供多幾次股啫。


盡信雜誌 不如無雜誌

話說上星期某周刊爆白姐姐患咗老人癡呆症，我半信半疑，就打電話去找她，諗住如果她真有此病，以後就要搵阿Paul才能夠找到白姐姐了。誰知她一接電話，講嘢鬼咁精靈，非但沒有癡呆，仲屈我請食飯