長毛變乖豬 為拉布唔敢掟嘢

【明報專訊】社民連議員梁國雄（長毛）過去都會趁財政司長曾俊華喺立法會宣讀《財政預算案》時，喺會議廳內示威、叫囂或者掟示威物品，通常都會被立法會主席曾鈺成趕出會議廳。不過，長毛噚日竟然由「搗蛋鬼」變成聽話「乖豬」，全程坐定定喺自己個位，只係會議開始時一度離開座位，打算將道具天秤放喺曾俊華面前，但一聽到曾鈺成警告，就乖乖哋坐番好。


長毛會前已經解釋點解唔示威，因為佢需要出席宣讀《財政預算案》後嘅立法會續會，為《版權條例（修訂）草案》拉布，所以唔可以被人趕離場呀。