勞福副局蕭偉強：阿女想做記者

【明報專訊】副勞工及福利局長蕭偉強噚日出席一個活動啟動禮後話，今日元宵節連續直落有活動，唔能夠同屋企人慶祝。不過，佢話自己重視團圓，前晚已經同老婆仔女打邊爐食湯圓，而打邊爐可以大家邊食邊傾偈。佢仲話，做緊嘢嘅大仔同讀緊書嘅細女好忙，要提前一個月「預約」。


「預約」仔女要提前一個月

蕭副局就透露阿女讀緊大學，希望出嚟做記者。Emily就問副局長擔唔擔心阿女做記者危險，佢就話，無論仔女做啲乜嘢，做父母都會擔心，可能會提點吓阿女，但相信阿女會堅守記者嘅操守，知道點樣處理唔同嘅情况。佢又話好支持阿女忠於自己理想。