駐軍新春賀辭：齊寫香江名句

【明報專訊】今日係年廿七喇，解放軍駐港部隊司令員譚本宏中將及政治委員岳世鑫中將，噚日發出新年賀辭，祝市民新年快樂！軍隊嘅信函，結尾署名前，係用「此致 軍禮！」佢哋仲話，駐軍願與廣大香港市民一齊「用艱辛努力」續寫「不朽香江名句」。


賀辭中有講「一帶一路」，話新一年裏，喺國家嘅有力支持下，喺特區政府嘅團結帶領下，香港必能抓住國家一帶一路戰略同十三五規劃帶來嘅機遇。駐軍祝願香港謀發展、保穩定、促和諧。賀辭亦提到，過去一年駐軍堅定不移貫徹一國兩制方針，嚴格按照《基本法》及《駐軍法》履行防務職責，並感謝市民支持。