民記「真•民主」？ 曾鈺成：你哋有偏見啫

【明報專訊】民建聯立法會議員葉國謙將退下火線，該黨中委會早前通過設立機制搞黨內初選搵人接任，黨內區議員一人一票選出代表出戰，實行「真．民主」初選。對於民建聯內部實行民主推舉，相信唔少人都覺得驚訝，民建聯創黨主席、立法會主席曾鈺成就話，係你哋對民建聯有偏見啫！


一人一票選葉國謙位接班人

Emily聽聞，該黨主席李慧琼（Starry）堅持要確立機制，但對用乜嘢方案無堅持，該黨早前諗過唔少投票方法，但一度出現常委會建議、中委都無接納嘅情况，而現時呢個「真．民主」方案，據講並唔係Starry嘅首選方案