小加寄語港交所 唔好做條鹹魚

【明報專訊】港交所（0388）啱啱先公布咗佢哋未來3年大計，仲換埋logo，完全突顯到佢哋要成為中國同國際市場橋樑嘅個一份決心。噚日港交所行政總裁李小加更寫咗一篇新嘅網誌，除咗為3年大計中的9個「通」解畫之外，仲話呢「9個通」係港交所未來3年嘅夢想。


而對於呢個遙遠嘅夢想，小加就話，香港金融市場每次嘅轉型，都係由大膽設想開始，要敢想，先可以敢拼，冇夢想，邊有未來？仲套用咗一句香港電影嘅經典對白：做人如果冇夢想，同條鹹魚又有乜分別呢？對於不時有人問佢驚唔驚同中國互聯互通得愈勁，香港市場嘅波動就愈大，風險就愈高，李小加就話，全球市場一體化係無可避免，連美國都會受中國影響，更何況係香港；仲話即使唔同內地互聯互通，亦會「好事遇不上，壞事也躲不開」