新聞類別
副刊
詳情#
【明報專訊】下星期就係農曆新年，Mama呢排真係忙到氣咳，忙住執屋大掃除，又忙住買賀年禮物，仲要趕緊包利市。唔單止忙，用錢仲好似倒水咁，紅簿仔話咁快就唔見咗幾個零。但學亞太兒童財商教育協會課程講師關顯彬（Johnny）話齋，儲蓄無非係為消費，一年一次，大家開心，無計啦！
講到開心，一定係班細路，有長假放，日日可以吃喝玩樂，最重要係有源源不絕嘅利市收。但Mama好驚對仔女會變成「暴發戶」，所以依足Johnny吩咐，喺佢哋三四歲、開始有金錢意識時，就已經辦理咗儲蓄戶口，教佢哋理財。但Mama除咗教佢哋「儲」，亦好着重教佢哋「捐」。因為Mama好認同Johnny所講，「分享」亦係理財好重要嘅一環，否則，再富貴亦只不過係一個守財奴。
新年固然開心 不忘關懷社群
Mama有個習慣，每年農曆新年前後，都會全家總動員去做義工，探訪社會上嘅弱勢社群，同時要求仔女動用「私己」或利市錢，買禮物送畀佢哋。哈，今年Mama就發掘咗兩個好有意義嘅活動，串埋一齊，就可以同時滿足上述兩個願望。
首先，香港中華基督教青年會（YMCA）由今日起至2月7日（年廿四至廿九），喺維園擺「Aaja Aaja」年宵攤檔，仲搵咗班識得講廣東話嘅南亞裔義工負責看檔，售賣南亞特色手工藝品，收益將撥捐該會嘅少數族裔小組活動之用。「Aaja Aaja」係烏都語，解做「埋嚟埋嚟」，機構希望香港市民「埋嚟」幫襯之餘，仲可以「埋嚟」同呢班少數族裔義工近距離接觸吓，打破彼此隔膜。
反正每年都去維園行年宵，Mama決定過幾日就帶兩個細路去支持吓「Aaja Aaja」，皆因呢個係教育小朋友共融精神嘅好機會。當然，亦會叫佢哋喺檔口消費，而買得嘅精品、日用品，Mama就打算捐畀康業服務有限公司與YMCA等機構合辦嘅「Peace Box 2016」祝福大行動！
由即日起至3月9日，康業服務有限公司旗下管理嘅住宅、商廈及商場，以及YMCA位於窩打老道嘅總部行政樓，都會免費提供禮物盒畀大家，市民可以將全新或未開封嘅日用品、玩具、髮飾、袋裝食品放入禮物盒，主辦單位就會替你哋轉贈畀有需要嘅基層家庭，讓呢班弱勢社群感受到絲絲溫暖。
有興趣了解「Aaja Aaja」年宵攤檔詳情嘅朋友，可瀏覽YMCA嘅facebook專頁︰www.facebook.com/chineseymcahk
想索取禮物盒捐禮物嘅朋友，就可瀏覽HK Peace Box嘅facebook專頁︰www.facebook.com/HK-Peace-Box-785234884892364/?fref=tszd
講到開心，一定係班細路，有長假放，日日可以吃喝玩樂，最重要係有源源不絕嘅利市收。但Mama好驚對仔女會變成「暴發戶」，所以依足Johnny吩咐，喺佢哋三四歲、開始有金錢意識時，就已經辦理咗儲蓄戶口，教佢哋理財。但Mama除咗教佢哋「儲」，亦好着重教佢哋「捐」。因為Mama好認同Johnny所講，「分享」亦係理財好重要嘅一環，否則，再富貴亦只不過係一個守財奴。
新年固然開心 不忘關懷社群
Mama有個習慣，每年農曆新年前後，都會全家總動員去做義工，探訪社會上嘅弱勢社群，同時要求仔女動用「私己」或利市錢，買禮物送畀佢哋。哈，今年Mama就發掘咗兩個好有意義嘅活動，串埋一齊，就可以同時滿足上述兩個願望。
首先，香港中華基督教青年會（YMCA）由今日起至2月7日（年廿四至廿九），喺維園擺「Aaja Aaja」年宵攤檔，仲搵咗班識得講廣東話嘅南亞裔義工負責看檔，售賣南亞特色手工藝品，收益將撥捐該會嘅少數族裔小組活動之用。「Aaja Aaja」係烏都語，解做「埋嚟埋嚟」，機構希望香港市民「埋嚟」幫襯之餘，仲可以「埋嚟」同呢班少數族裔義工近距離接觸吓，打破彼此隔膜。
反正每年都去維園行年宵，Mama決定過幾日就帶兩個細路去支持吓「Aaja Aaja」，皆因呢個係教育小朋友共融精神嘅好機會。當然，亦會叫佢哋喺檔口消費，而買得嘅精品、日用品，Mama就打算捐畀康業服務有限公司與YMCA等機構合辦嘅「Peace Box 2016」祝福大行動！
由即日起至3月9日，康業服務有限公司旗下管理嘅住宅、商廈及商場，以及YMCA位於窩打老道嘅總部行政樓，都會免費提供禮物盒畀大家，市民可以將全新或未開封嘅日用品、玩具、髮飾、袋裝食品放入禮物盒，主辦單位就會替你哋轉贈畀有需要嘅基層家庭，讓呢班弱勢社群感受到絲絲溫暖。
有興趣了解「Aaja Aaja」年宵攤檔詳情嘅朋友，可瀏覽YMCA嘅facebook專頁︰www.facebook.com/chineseymcahk
想索取禮物盒捐禮物嘅朋友，就可瀏覽HK Peace Box嘅facebook專頁︰www.facebook.com/HK-Peace-Box-785234884892364/?fref=tszd
留言 (0)
