新聞類別
財經
詳情#
【明報專訊】萬邦投資（0158）噚日舉行股東會，前主席兼新世界（0017）創辦人鄭裕彤舊年退任之後自然無出席，今次負責主持大局嘅執行董事鍾賢書就話，無同彤叔聯絡，唔太清楚佢近况。但被問到萬邦會唔會賣盤時，佢就指住父親兼現任主席鍾明輝笑言：『伯爺（鍾明輝）一日喺度，就唔會賣盤！』咁伯爺一旦退任，唔知萬邦係咪即刻賣盤呢？
噚日股東會通過每股派末期息2.5元，去年每股合共派4.7元。最近樓價轉勢，被問到會唔會影響公司收入時，鍾賢書話公司做租盤居多，又唔係甲級商廈，相信影響唔大，即使收入再跌，都希望每年股息可以保持每股4元以上。相信跟咗萬邦咁多年嘅小股東，聽到呢句話心都定晒。
鍾賢書又提到，公司今年正值續租期，預計續租率達九成，家陸續商談中，大部分係熟客仔，平均呎租由47元加到51元。樓市轉淡時仲可以加租，萬邦呢隻股份真係實力非凡！
email: piano@mingpao.com
[小琴密語]
噚日股東會通過每股派末期息2.5元，去年每股合共派4.7元。最近樓價轉勢，被問到會唔會影響公司收入時，鍾賢書話公司做租盤居多，又唔係甲級商廈，相信影響唔大，即使收入再跌，都希望每年股息可以保持每股4元以上。相信跟咗萬邦咁多年嘅小股東，聽到呢句話心都定晒。
鍾賢書又提到，公司今年正值續租期，預計續租率達九成，家陸續商談中，大部分係熟客仔，平均呎租由47元加到51元。樓市轉淡時仲可以加租，萬邦呢隻股份真係實力非凡！
email: piano@mingpao.com
[小琴密語]
留言 (0)
