新聞類別
財經
詳情#
【明報專訊】最近香港樓價開始見頂回落，觸動唔少市民嘅神經，網絡紅人向西村上春樹日前一篇關於環海．東岸嘅潮文引起唔少網民共鳴，估唔到惹來「細價樓爆煲之父」湯文亮批評佢喺業主傷口灑鹽。不過向西噚日喺fb發文輕鬆回應，話湯文亮太睇小班業主強大嘅心理質素。
事緣係向西喺fb寫左一篇「環海•東岸業主的十年」嘅潮文，講述一個小業主舊年用300幾萬買樓上車，點知樓市步入熊市，換來10年悲劇生活，仲用「你錯在唔係窮，而係唔夠窮」作結，睇到小琴都悲從中來。
最估唔到係湯文亮都有睇，噚日寫咗篇文叫向西「就唔好破壞別人美夢，灑鹽更加唔應該」。向西都無示弱即日回應，先將湯文亮捧上天，話自己有將「細價樓爆煲論」印出嚟貼喺牀頭閒時細味，亦好開心佢願意關心小業主的心靈，但佢喺討論區見到班業主自辯「買得呢度既（嘅）業主真係鍾情200呎左右，都唔明點解咁都比（畀）人鬧……」仲話向西係葡萄佢哋，反映佢哋心理質素強大，同持有物業面積成強烈反比，小琴睇到呢句個戚戚然，唔知湯文亮會唔會覺得向西又向班業主灑多次鹽呢？
email: piano@mingpao.com
[小琴密語]
事緣係向西喺fb寫左一篇「環海•東岸業主的十年」嘅潮文，講述一個小業主舊年用300幾萬買樓上車，點知樓市步入熊市，換來10年悲劇生活，仲用「你錯在唔係窮，而係唔夠窮」作結，睇到小琴都悲從中來。
最估唔到係湯文亮都有睇，噚日寫咗篇文叫向西「就唔好破壞別人美夢，灑鹽更加唔應該」。向西都無示弱即日回應，先將湯文亮捧上天，話自己有將「細價樓爆煲論」印出嚟貼喺牀頭閒時細味，亦好開心佢願意關心小業主的心靈，但佢喺討論區見到班業主自辯「買得呢度既（嘅）業主真係鍾情200呎左右，都唔明點解咁都比（畀）人鬧……」仲話向西係葡萄佢哋，反映佢哋心理質素強大，同持有物業面積成強烈反比，小琴睇到呢句個戚戚然，唔知湯文亮會唔會覺得向西又向班業主灑多次鹽呢？
email: piano@mingpao.com
[小琴密語]
留言 (0)
