新Twins宣傳領展App

【明報專訊】呢個世代，好似只要「一機在手」就咩都得。就連主力經營公共屋邨商場、停車場同街市嘅領展（0823）都唔執輸，舊年10月推出手機App「泊食易」。領展仲好有心思，搵咗「Twins」做宣傳——此Twins不同彼Twins，呢度講緊嘅係盧覓雪同好似佢孖生姐妹一樣嘅阮兆祥！


呢個App有大概170個旗下停車場嘅車位情况，方便區外車主隨時知道邊度有位泊車及收費。之前聖誕領展已揾咗盧覓雪拍廣告，家將近農曆新年，領展再為「泊食易」搞下新意思。盧覓雪當然繼續坐鎮，今次仲揾埋同佢有「姊妹相」嘅阮兆祥拍住上。不過小琴反而更期待下個節日，唔知到時會唔會有第三個盧覓雪出現。