特首代表社會 多謝商界交稅

【明報專訊】特首梁振英（CY，中）噚日出席商界聯席午餐會，致辭時首先就話要代表政府同香港社會，多謝商界準時交稅，令利得稅稅款創新高，仲同商界介紹之前發表嘅《施政報告》。雖然佢份主打「一帶一路」嘅施政報告，滿意度係回歸以來新低，但佢強調創新科技同「一帶一路」都有助香港發展。


網民：唔見佢多謝我？

CY講到香港嘅優勢，喺內地嘅經濟表現，比全球平均表現好，香港有「一國兩制」，係內地同世界嘅「超級聯繫人」。CY仲話，CEPA、粵港合作協議、內地十三五規劃同埋「一帶一路」都將會為香港帶嚟新嘅商機。


市民突然「被代表」，Emily喺網上留意到，有網民就覺得商界交稅係天經地義，質疑「交稅都要多謝？唔見佢多謝我？」又有網民覺得商家交稅交得愈多，即係佢哋喺香港賺錢愈多，覺得「要講多謝嘅係商家」。