CY《喜歡你》短片 向CASH付$600

【明報專訊】特首梁振英早前喺facebook上載同歌手黃家強合唱《喜歡你》嘅短片，被網民質疑侵權。商務及經濟發展局長蘇錦樑噚日回應議員質詢，話特首辦早前已經就《喜歡你》嘅曲詞版權，向香港作曲家及作詞家協會（CASH）交咗600蚊，但就承認未搵到伴唱音樂紀錄嘅版權持有人，所以仲未支付相關費用，話如果搵到嘅話，特首辦樂意繳交。


未找到伴唱音樂紀錄版權人

有網民批評特首辦可以補交版權費係享有特權，咁市民又係咪可以先上載歌曲，之後至申請版權呢？蘇錦樑就回應，版權特許年期可以追溯過去，亦可以用喺未來，法例上無特別限制，強調特首辦無特權咁話。