波音787夢想飛機 有機會香港亮相

【明報專訊】大家仲記唔記得，2007年空中巴士巨無霸A380喺本港上空低飛，吸引唔少龍友去影相。而波音嘅B787夢想飛機（Dreamliner），亦可能喺出年嚟到香港同大家率先見面。

波音嘅B787夢想飛機（Dreamliner）仲喺測試階段，但亞洲國際航空展覽會負責人透露，明年3月8至10日展覽期間，可能會安排波音嘅B787進行一次慈善飛行，或者展覽畀大家睇。B787有咩賣點？佢同樣係豪華飛機，不過唔似A380咁有兩層，只有單層。但就採用環保物料、慳油、減少污染等。呢個展覽除咗豪華客機外，仲有唔少航空公司、生產商嚟展覽，希望洽購航空生意。展覽會喺亞洲國際博覽館舉行，自從2007年，展覽由新加坡移師到香港後，就一直喺香港舉行。小琴聽聞，原來大會為咗吸引多啲內地航空公司參加，就改咗嚟香港。