比亞迪電巴靜靜雞復出

【明報專訊】上周五因為「彈弓門」事件停駛嘅比亞迪電動巴，原來已經靜靜雞復出，小琴問過新巴同城巴，上周送返廠維修嗰5架電動巴K9，星期一（1月11日）已恢復上路，希望今次真係無問題啦。


彈弓門膠邊問題已修妥

新巴城巴話，之前發現5部電動巴都有落車門膠邊喺用力撳後會自動彈開現象，但係家已維修妥當，亦未見有其他問題，兩巴仲話家對巴士續航能力進行試驗，暫時未見有電力不足嘅情况，至於比亞迪就話今次係「輕微軟件問題」。


幾部電動巴無事當然好，但既然成龍大哥提醒話「中國的會爆炸」，小琴都提提大家，5部比亞迪電動巴家都係營運半日，最早出車嘅新巴81號線約莫下午1點後開出，5條路線尾班車時間都係夜晚11至12點左右。


email: piano@mingpao.com

[小琴密語]