趁人幣貶值 龍源或可「零息」借錢

【明報專訊】人民幣近期極速貶值，各界都出盡法寶，希望可以減輕人民幣貶值帶嚟嘅風險。其中龍源電力（0916）噚日就宣布，發行「超短期債券」，債券規模20億元人民幣，期限90天，票面息率2.52厘。


雖然以往龍源電力都一直有發行超短期債券嘅習慣，不過通常期限都超過3個月，但自從811匯改、市場對人民幣貶值預期升溫之後，龍源電力就多咗發行超短期債券。


就以今次嘅超短期債券為例，20億元、期限90天、同埋票面息率2.52厘計，換句話黎講，即係呢批債券嘅實際90日息率大約係0.62厘，而利息成本就大約1240萬元人民幣。


家離岸人民幣（CNH）兌美元就大約6.5710，若果90日後CNH貶值到6.6117以上，龍源電力就可以利用貨幣貶值嘅價差，抵消利息成本，實現「零息借錢」，都真係咪話唔醒目。


[小琴密語]