李國章撐CY場 遇粉絲

【明報專訊】特首梁振英噚日去立法會宣讀《施政報告》，佢太太唐青儀（後右一）到場支持，同幾名行政會議成員坐喺旁聽席耐心聆聽。至於行會成員方面，雖然唔算好多人到場，但大家都聽足全程，好似廖長城、查史美倫、召集人林煥光、工聯會鄭耀棠（後右二）等。


至於剛獲委任為港大校委會主席嘅李國章（後左二），噚日亦有去立法會旁聽，喺會議休息10分鐘期間，更有成日出席撐CY活動嘅市民走埋去同李國章握手，表示力撐佢做港大校委會主席咁話。