特首選舉開支上限 想加到1630萬

【明報專訊】近年物價飛漲，政府噚日提出，擬增加明年特首選舉開支限額至約1630萬元，較2012嘅1300萬大幅增加近25.4%。政制及內地事務局話，有關建議主要係考慮到競選辦公室嘅租金負擔，以及工作人員及顧問研究等價格變動。


明年嘅選舉，選民維持1200個有特權嘅選委，如單以1名候選人用盡1630萬元選舉經費計，即係每票嘅選舉費13,583元。


而根據2012年特首選舉開支申報，梁振英及唐英年分別花咗1120和1097萬，約為開支限額85%。政府認為如果考慮埋通脹水平，唔調整開支限額，變相係減少咗候選人嘅實質購買力喎。


不過，政府又話，無需要調整2016年1200人選舉委員會界別分組選舉嘅選舉開支限額，事關檢視過2011年選委會候選人嘅實際開支，遠遠低於政府定出嘅限額，而選委會開支上限由16萬至48萬元不等。根據政府統計，1581名候選人中，只有6人嘅選舉開支佔限額超過50%，而花費最多嘅資訊科技界，平均實際開支都係佔政府限額16.5%。