澳門金沙招募兔女郎

【明報專訊】自認有個性，夠迷人風趣女生，除做模、選港姐外，仲有大把好路數，金沙中國（1928）旗下澳門金沙，緊就為旗下花花公子俱樂部招募兔女郎，到時場面一定好熱鬧！
作為今次比賽之一評判馬偉奇（Reggie Martin）話，兔女郎必須要溫文雅緻，仲要極具鏡頭敏感度，以便隨時拍攝。小琴知道香港好多女生對鏡頭敏感度超高之餘，仲已經發明埋港女自拍10式，相信香港女生可以呢個全球招募中，突圍而出。活動今個星期五會澳門金沙酒店舉行，會以泳池派對形式選出得獎者。
兔女郎係負責招待花花公子俱樂部會員同娛樂場貴賓。原來過去50年，花花公子俱樂部已全球聘用接近2.5萬個兔女郎，要成為當中一分子，禮儀化妝等都有嚴格要求，唔係就咁著套衫、戴上兔仔耳咁簡單呢！