陳恒鑌：我尊重護照

【明報專訊】銅鑼灣書店5人失蹤事件後，有啲網民好擔心，又有人上載BNO護照話自己會去申請、續領云云。民建聯立法會議員陳恒鑌（Ben）噚日就喺facebook上載一張相，見到佢拎住本特區護照，仲留言話「我尊重護照，因為這是身分的象徵，唔尊重護照，等於唔尊重自己，連自己都唔尊重自己，叫人哋如何尊重你呢？」


阿Ben呢個post都有唔少人留言回應，有黨友話「同意」，亦有朋友仔話好支持佢，話會用特區護照，「因我知中國領事館有事會幫我」。不過，有人留言就話，如果要尊重國家，咁不如棄用香港身分證，改去申請中華人民共和國護照喎。