新聞類別
娛樂
詳情#
【明報專訊】謝賢（四哥）與女兒謝婷婷昨午父女檔出動到中環置地廣場逛街購物，他們齊齊戴上太陽眼鏡，拍住行，型爆全場。近日有傳謝霆鋒與王菲下月在大理結婚，四哥被問時說：「我都唔知，唔好問我呢啲嘢！」他心情靚靚，被追訪期間還拉著記者要影合照，婷婷負責揸機，場面搞笑！
父女置地濕平
四哥與婷婷昨午現身置地廣場，婷婷到名店試鞋又看袋，逗留約個多小時。四哥中途可能等得有點悶，到附近舖頭買雪茄。他買完離開，被問到霆鋒與王菲傳下月結婚，他說：「我都唔知，唔好問我呢啲嘢，OK？」有記者繼續發問，他反問：「仲問？你嫁咗未呀？問呢啲嘢做乜呀！」之後問四哥有無買禮物給孫仔？他說沒有，一向沒有節日觀念。
拉記者影合照
四哥返回名店與婷婷會合，約半小時後離開，婷婷大有收穫。兩父女心情靚爆，四哥突然拉着其中一個記者說：「你影我咁多，我同你影番！」婷婷配合站在前面用手機幫忙影合照，笑得開心。他們等車時吸引不少途人注目，四哥與婷婷離開時跟在場記者說聖誕快樂。
記者：鍾偉茵
留言 (0)
