中原兩高層 真銀撐樓市

【明報專訊】近期多個新盤開售，原來地產代理高層近期亦頻頻入市，實行以行動支持樓市。繼中原集團主席施永青及有關人士，於今年8月斥逾2000多萬元買入何文田富甲半山單位後。中原第二把交椅、該集團副主席黎明楷亦剛斥約1300萬元，買入西半山堅道瑧環一個面積613方呎嘅1房單位，呎價高達2.12萬元。此外，同屬深圳中原董事總經理李耀智，更豪擲約2336萬元，購入新地上水天巒1期一間洋房，呎價9100元。

在2008年曾豪擲2673萬元，買入何文田半山壹號一個2088方呎單位嘅黎明楷話，面對低息環境，磚頭始終有價，加上瑧環鄰近中環，出入方便，即使日後收租亦無問題。佢更坦言，自己係樓市大好友，日後若有機會，亦會再買貨。

近年喺內地賺到盤滿鉢滿嘅李耀智，買入嘅大屋面積就高達2567方呎。李耀智就話，原本同家人居於沙田，但由於經常往返內地，加上買入House亦係自已嘅夢想，故最終豪擲2336萬元，買入天巒1期洋房作自住。