與太太一起 最佳減壓空間

【明報專訊】羅康瑞旗下瑞安房地產（0272），現時在內地以「新天地」系列為品牌及發展中的項目，分別位於上海、杭州、武漢、重慶、大連、佛山，大部分項目發展規模，可興建的樓面都達100萬平方米或以上。作為公司主席的羅康瑞，雖然手下有大量猛將全力以赴，仍然大部分時間都在內地審視業務，運算籌謀。

羅康瑞2008年11月與被譽為「最美麗港姐」的1977年港姐冠軍朱玲玲（圖）再婚以來，原來羅太和他一起之時，是羅康瑞獲得最佳的減壓生活空間。「私人事我唔想講咁多啦，但係結咗婚之後，始終有番更強嘅家庭觀念，所以我家盡量減少應酬，我太太知道我好鍾意工作，佢都好支持我，到現在佢都未曾向我投訴過，所以喺周末或者有啲空閒時候，我哋會一齊去飲茶、或者去戲院睇齣戲輕鬆吓，咁佢都肯接受嘅。」至於兩夫婦會否另外再買一幢靚屋，作為二人世界的溫馨之家？羅說：「唔使咯，我家在上海、香港（淺水灣）都分別有一間大屋住緊，夠晒住喇，如果再多一間大屋，即係要我再有多一個負擔啦，哈……哈……哈。」